ആഗോള വിപണിയിൽ ഇന്ത്യൻ ഏലത്തിന് മികച്ച സമയം. ഗ്വാട്ടി മാലയിലെ പ്രതിസന്ധി നേട്ടമാകുന്നു

2026 ലെ കയറ്റുമതി സീസണിൽ ഇന്ത്യൻ ഏലം കയറ്റുമതിക്കാർ വലിയ പ്രതീക്ഷകൾ കാണുന്നു . ഈ സീസണിൽ അഭൂതപൂർവമായ കുതിച്ചുചാട്ടം നടക്കുന്നുണ്ടെന്നും, ഏകദേശം 14,000 ടണ്ണിലെത്തുമെന്നും പ്രതീക്ഷിക്കപ്പെടുന്നു. ചരിത്ര ശരാശരിയുടെ ഇരട്ടിയോളം വരും ഇത്.

ഗ്വാട്ടിമാലയിലെ ഉൽപ്പാദനത്തിൽ 50 ശതമാനം ഇടിവാണ് ഈ വർധനവിന് കാരണം . അന്താരാഷ്ട്ര വിപണിയിൽ വിതരണത്തിൽ വലിയ ശൂന്യത സൃഷ്ടിച്ചു.

ഇടുത്തിടെ സമാപിച്ച ഗൾഫുഡ് എക്‌സ്‌പോയിലെ വിജയകരമായ സ്‌പോട്ട് ബുക്കിംഗുകൾ നടന്നതും , നൗറൂസ് സീസണിനായി ഇറക്കുമതി വർദ്ധിച്ച ഇറാനിലും, മിഡിൽ ഈസ്റ്റിലുടനീളം (സൗദി അറേബ്യ, കുവൈറ്റ്, യുഎഇ) റമദാനിന് മുന്നോടിയായി ഇന്ത്യൻ കയറ്റുമതിക്കാർ വിജയകരമായി വിപണി വിഹിതം തിരിച്ചുപിടിച്ചതും സഹായകമായി .

ചെങ്കടൽ ഷിപ്പിംഗ് പ്രതിസന്ധി ഉണ്ടായിരുന്നിട്ടും വ്യവസായം സ്ഥിരത പുലർത്തുന്നു എന്നത് ശ്രദ്ധേയമാണ്, കാരണം പശ്ചിമേഷ്യൻ വ്യാപാര റൂട്ടുകൾ കയറ്റുമതി തടസങ്ങളില്ലാതെ തുടരുന്നു. കൂടാതെ, ഇന്ത്യൻ സുഗന്ധവ്യഞ്ജനങ്ങളുടെ അധിക തീരുവ യുഎസ് നീക്കം ചെയ്തത് ഒരു പുതിയ മത്സര വിപണി തുറക്കുകയും ചെയ്തു .
എണ്ണയുടെ അളവ് കൂടിയ ഇന്ത്യൻ വിളയുടെ 7mm മുതൽ 8mm വരെ ഉള്ള കായ്കൾക്ക് ഇത് അനുകൂലമായ സുവർണ്ണ അവസരമാണ് . ഉയർന്ന വരവ് ഉണ്ടായിട്ടും വില ഇടിവ് കൂടാതെ നിലവിലെ സീസൺ അതിന്റെ ഉയർച്ചയുടെ വേഗത നിലനിർത്തുന്നുവെന്ന് ഉറപ്പിക്കാം.

ഗ്വാട്ടിമാലയിലെ വിളനാശം ഇന്ത്യൻ ഏലത്തിന് വിദേശ വിപണിയിൽ പുതിയ ഉയരങ്ങളിലെത്താൻ അവസരം നൽകിയെന്നും കയറ്റുമതിയിലൂടെ വിപണി ശക്തമായി നിലനിൽക്കുന്നുണ്ടെന്ന് എന്നും കെസിപിഎംസി ലിമിറ്റഡിന്റെ ജനറൽ മാനേജർ പി.സി. പുന്നൂസ് പറഞ്ഞു.

നല്ല നിലവാരമുള്ള കയറ്റുമതി ചെയ്യാവുന്ന ഗ്രേഡുകൾക്കായി വാങ്ങുന്നവർ നെട്ടോട്ടമോടുന്നതിനാൽ കയറ്റുമതി വിപണിയിൽ അടുത്ത കുറച്ച് മാസത്തേക്ക് ഈ വില തുടരുമെന്ന് പ്രതീക്ഷിക്കുന്നുവെന്ന് ഇടുക്കിയിലെ ഏലം കൃഷിക്കാരനായ എസ്.ബി. പ്രഭാകർ പറഞ്ഞു, ശക്തമായ കയറ്റുമതിയുടെ പശ്ചാത്തലത്തിൽ വില കിലോഗ്രാമിന് ഏകദേശം 2450 രൂപയിൽ തുടരുന്നുവെന്ന് പറഞ്ഞു.

മാർച്ച്/ഏപ്രിൽ വരെ നേരിയ വിളവെടുപ്പ് പ്രതീക്ഷിക്കുന്നതിനാൽ വിളവെടുപ്പ് സീസൺ പതുക്കെ അവസാനിക്കുകയാണെന്ന് അദ്ദേഹം പറഞ്ഞു. മെച്ചപ്പെട്ട കാലാവസ്ഥയും കർഷകരുടെ നല്ല പരിപാലനവും കാരണം 2025-26 വർഷത്തിൽ വിളവ് 32000 മുതൽ 35000 ടൺ വരെ ആയിരിക്കുമെന്ന് പ്രതീക്ഷിക്കുന്നു.
ഹോളി സീസണിന്റെ ആവശ്യകത അനുസരിച്ച് ആഭ്യന്തര വിപണി ഉയരുമെന്ന് പ്രതീക്ഷിക്കുന്നു. ലാ നിന കാലാവസ്ഥ നിലനിൽക്കുന്നതിനാൽ ഫെബ്രുവരി അവസാനം മുതൽ മാർച്ച് വരെ മഴ പ്രതീക്ഷിക്കുന്നു, ഇത് വരാനിരിക്കുന്ന വിളവെടുപ്പിന് സഹായകമാണ്